2012年11月26日 星期一

我刷刷刷,你又刷刷刷,清潔面部最好方法

cherry以往洗面都是用手, 但很久以前曾經見
過網絡化妝高手MichellePhan 用電動牙刷洗面
,當其時會有疑問會覺得咁都得或者洗完有無
效架?而cherry近來終於有機會試到好似電動牙
刷的電動洗面器




cherry講緊既就係i Bling Sound wave vibration cleanser


睇一睇個真身先,cherry第一眼見到覺得極度似海綿,但當
摸落去先發現咦~~咦~~咦~~~毛黎既~~~,D毛真係造到極
之幼細仲好柔軟,原來佢係用150000微細毛造成架



佢既賣點係易用、易keep 、易清潔



另外佢既優點
1.刷頭可自行買替換裝更換保持衛生
2.極幼細的微軟刷毛
3.每分鐘22000聲波震動感覺柔軟舒適的按摩功效
4.防水
5.不需充電只需用AAA電池,體積輕巧出外或旅行攜帶方便



更換配池方面亦非常方便,只需扭一扭拔出即見到電池便可
更換,更換完再對準位置插回即可



使用上可預先將刷頭濕水再吱洗面產品或吱完再濕水都得,
因為佢係防水架麻



放上面時只需按一下就可自動震震震~~




濕完水直接放上面刷刷刷,額頭、鼻邊及嘴角位都可以輕
易刷到,毛質極細可以徹底清潔到毛孔



另外佢亦可以用黎落妝,cherry會先將卸妝油搽上面再
用i Bling刷,底妝眼影唇膏都落得乾乾淨淨,係唯獨睫
毛液差一點點,但整體一定係用刷乾淨快捷過用手



搵返以往仲係用手洗面同宜家用左刷洗面後的相對比一下,
毛孔見得到確實係幼細乾淨左









不一樣的彩妝產品(too cool for school)


cherry最近真的超忙,都好耐沒發過妝文啦,但收到今次
的彩妝產品試用就可以過一過化妝癮,今次呢款too cool
for school有別於一般的可愛、簡約或華麗包裝,佢係以
Dinoplatz恐龍作為主題,將古老神秘的原素帶進21世紀
的潮流都市




首先介紹的是能打造自然光澤感妝容的珍珠幻彩妝前底霜              
Dinopkatz Pearl Bay Invasion  ($210/30ml),瓶身的漫畫風格
設計好特別




原來too cool for school是韓國製造的,底霜有分白色及粉紅色,
成份含有橄欖油、牛油果油、野玫瑰果油、薄荷油、竹樹萃取
物、摩洛哥堅果油及仙人掌萃取物等7種高度鎖水保濕成份,
令到一整天的妝容都能保持貼服而有光澤感



cherry這一支是粉紅色質感易推唔乾而且帶有香檳金色,雖然是香
檳金色但推開後是很透薄自然的光澤感唔會令肌膚黃黃的




完成底妝後皮膚真係帶點像由皮膚透出來的光彩,而底霜除了可
以塗上面其實亦可在臨近的聖誕party上塗在鎖骨展現性感魅力
(近來時冷時熱皮膚不穩情況又來了)




唔知大家有無留意到上圖cherry的嘴仔有淡淡的紅色,而且好漲卜
卜咁,cherry係用左著色護唇軟膏 Dinoplatz Lip Balm($120/13g)



著色護唇軟膏總共有4隻色,cherry試的是 #2 Beet Jom(紅色)





軟膏肉眼睇好似好紅其實搽上只是薄薄紅色感覺好自然,
而且含有野玫瑰果油、摩洛哥堅果油、月見草油等保濕成
份可於平常當潤唇膏搽,搽上時有好香好香的野莓味好正~~




光澤的底妝配透薄自然的唇色,除了可以化上自然的眼妝,
其實濃一點的眼妝亦相當適合



銷售點:銅鑼灣HYSAN PLACE 希慎廣場,6樓GARDEN OF EDEN,622舖