2015年5月6日 星期三

盛八日式火鍋放題店 ❤ 滑滑入口即溶飛彈牛

盛八日式火鍋放題店 1
之前我多數都是帶仔仔去覓食,今次就係同朋友出黎
敘下舊吹下水啦,而我跟友人都是牛魔王,所以今次
就揀左位於旺角通菜街威達 Deli 2 商業大廈 3 樓的盛
八日式火鍋放題店打下牛牛邊邊。



盛八日式火鍋放題店 2
佢地方非常寬落,縱使多人都唔會行到迫夾,
而我地預約左6:30,所以時間尚早無咩人囉。



盛八日式火鍋放題店 4
而我跟友人都是牛魔王,所以一坐下諗都唔使諗
就選了 $388 的日本極上飛彈和牛放題食返夠本啦。



盛八日式火鍋放題店 5
湯底方面都有好多款可以選擇,濃味、清淡任君選擇。



盛八日式火鍋放題店 7
而友人之前在網上見到新出了一個名為「火焰雪山」
的湯底,佢中間有座雪山好特別,而且仲要係用蛋白
、豆乳、3.6牛乳製成,而個底都倒入3.6牛乳架~~





盛八日式火鍋放題店 18
這裡的牛肉及豚肉都是即叫即刨,所以就跟友人
出去睇下仲有咩火鍋配料可以選舉,基本上選擇
都算多,眼見都有廿幾三十樣,仲有刺身及冷盤
選擇~~





盛八日式火鍋放題店 8
甜品方面都有好多,綠茶布甸、綠茶蛋糕、綠茶泡夫、
啫喱糖、雪糕、紅莓蛋糕、黑芝麻蛋糕、栗子蛋糕、
朱古力噴泉、綠茶噴泉、各口味啫喱及焦糖燉蛋,綠
茶控一定要來試下。






盛八日式火鍋放題店 9
飲品可以任飲,有啤酒、汽水、果汁、綠茶或
巨峰提子汁。


盛八日式火鍋放題店 11
而打邊爐當然要點醬汁,當中有我喜歡的芝麻醬及
胡麻醬,加埋D蔥花、炸蒜頭及辣椒,用來點野食
超正!!!


盛八日式火鍋放題店 12
跟友人再閒聊一會,超祈待的牛牛終於上桌啦,
先試的一定是脂肪平均雪花滿佈的日本飛驒和牛
,未試前會以為無咩特別,誰不知入口軟綿肉
滑,有種溶化掉的感覺,而且牛味濃郁,好味!!!


盛八日式火鍋放題店 13
另外這款是澳洲貴族和牛,口感跟日本飛驒和牛
不同,是比較爽彈,而牛味同樣濃。




盛八日式火鍋放題店 15
再來是牛肩肉,這款脂肪較多,食落更有咬口。


盛八日式火鍋放題店 14
而我們也試了豚肉,肉感也不錯,但當然是主角牛肉
好味D 啦。(因為我是牛魔王)


盛八日式火鍋放題店 16
最後也不能整晚只吃肉肉,所以也吃了點蔬菜平衡
返,等腸胃健康D。



盛八日式火鍋放題店 17
俗語又云女仔無論食到幾飽,甜品係放係第二個胃
,這裡除了牛肉非常好味外,甜品亦都極之推介,
豆乳雪糕、綠茶雪糕、綠茶布甸及紅莓蛋糕都非常
推薦!!!