cherry: ❤飲飲食食

顯示具有 ❤飲飲食食 標籤的文章。顯示所有文章

2017年1月4日星期三

帶仔仔一嗜漁牧川菜

前排趁假期都會帶阿仔佢地出街食下飯，而個人都幾
喜歡食辣，而大仔又比我訓練有數都可以食下辣，所
以今次帶佢地同朋友去到尖沙咀漁牧食晚飯，而呢度
係食以辣出名的川菜。

其實來之前都有上網睇過呢度其中一樣招牌菜
「漁牧混豬」，見個名咁特別而又o岩兩個仔食
就一定要試下啦，果然又真係幾好味，佢除左乳
豬皮好香脆，肉質亦保持到嫩嫩的，裡面仲藏住
糯米飯，另外還配有3種醬料，可以品嚐到3種不
一樣的滋味，而我個人最喜歡抹茶醬。

朋友喜歡食魚，斤以點了小辣的火熱香辣味燒魚，
呢味菜可以配埋其他火鍋配料打邊爐，但我地人
唔多，所以只叫了呢樣就夠。

而燒魚辣度都ok，哥哥都食到，條魚肉質亦好滑，
感覺好新鮮。

香辣城牆午餐肉睇餐牌係砌到城牆咁的午餐肉牆
，不過但無所謂最緊要味道，而佢裡面仲另外加
左好多材料，有雲耳、蓮藕片、薯仔片、䈑筍，
食落唔算辣味道都ok，最喜歡好爽口的蓮藕片及
䈑筍。

剛剛食完咁惹味又辣嘅嘢，做媽媽的就點返D唔辣嘅
嘢比佢地食啦，再仔細睇下個餐牌，原來呢度都有D
唔辣的餸菜，最後點左呢個清清地的老鴨湯麵比佢地
食。

2017年1月2日星期一

不得不嚐的裕一品四川雲南米線

話說兩個仔都係好鍾意食米線，所以前排就帶左佢
地去到長沙灣裕一品四川雲南米線度試下啦~~

由於來到的時間唔係繁忙時間，所以比較少人，
而呢度地方好寬敞，唔會覺得坐到迫夾。

米線一碗單併$26，加餸就有$4、$5、$6類別選擇，
價錢都好合理，而且湯底仲有多種辣度選擇，講到
最抵係$10有一款特價小食。

我家哥哥就叫左雞絲炸醬10小麻辣湯底米線，
我試過個湯底，小小辣又有麻的感覺，哥哥都
食到。

而我因為要同細佬share，所以就叫左豬大腸、墨魚頭、
同其他地方好少有的黑柏葉無辣米線，呢度D豬大腸好
淋好入味，連細佬都咬到仲話好味想要多幾舊，墨魚頭
就好鮮味好彈牙，而黑柏葉就超爽口咬落feel到嗦嗦聲。

叫兩碗都驚唔夠飽，所以就叫左D小食，呢個
蒜香牛肚又係好淋好入味，加埋磨碎蒜頭有少
少辣仲有蒜香，好味~~好味~~

另外呢個風味雞皮串又係好味，店員即叫即炸
，面頭仲撒左D炒香左的鹽，入口香脆仲好夠
咸味。

香烤豬仔肶，香草味份量剛剛好，而且烤得也不錯，
內裡保持到肉嫩多汁唔會乾身。

而最失策就係叫多左個又係香草烤的雞中翼，
其實係好味的，但味道就有少少重覆左，我諗
住下次要試佢另外個個四川麻辣烤雞中翼。

裕一品四川雲南米線

FB專頁：裕一品四川雲南米線
( https://www.facebook.com/yueyatban/ )

總店：九龍長沙灣青山道267號地下
電話：2725 4732

【加盟店】
灣仔、西灣河、青衣、荃灣、屯門、葵涌（2017年1月尾開業）

聯絡我: cherryp088@hotmail.com

Cherry之美容化妝事

Blog link:

Blogspot ♕ WeSHARE ♕ BeautyExchange ♕iMore

♚ SHE.COM ♚ TheZtyle ♚ UBeauty ♕ style-tips

新浪 ♕ 中國新浪 ♕ LadyQooza ♕Qooza Beauty ♕

shewin ♚ Pixnet ♚

2016年12月15日星期四

朋友聚之美味潮菜館『潮堡』

話說前排等朋友收工去食飯，咁其中有個本身住長

沙灣又係長沙灣返工，所以附近好多食店佢都食均

曬，咁行行下大家又覺得好耐無食過潮州打冷，而

o個邊又新開左潮州食店『潮堡』，所以就走去試

下啦~~估唔到係無心插柳之下走入去，D o野食又

唔錯喎。

呢度地方寬敞，牆身貼滿各式各樣的潮州菜式。

唔食潮州菜我都唔知原來有朋友係潮州人，一坐底

就已經話要點烏頭，佢話潮州人必食烏頭，所以就

叫左呢碟鹽焗元朗黃油烏頭。

平時出街食鹽焗o個D菜式，唔係好咸就好乾，而呢

條烏頭咸味肉質都剛剛好，而且仲好多魚油，連我

呢個平時好怕食魚有腥味泥味o既人都覺得好味~~

食食下見到條魚尾貼左標籤寫住楊氏元朗烏頭

，就好奇問下職員，原來楊氏出品的烏頭出名

無泥味有黃油，肉質飽實鮮嫩，而且不含激素

及抗生素，可以食得安心又放心。

我返到屋企仲特別上網搵下楊氏烏頭資料:
（1）採用良品養殖法管理及生產
（2）採用台灣進口專用配方飼料
（3）低鹽度水養殖確保沒有泥味
（4）不含激素或抗生素等違禁藥
（5）標籤及編號設有可追跡制度
（6）漁護署認可之優質魚場生產

滷水鵝片是朋友大讚的一碟，鵝片滷得剛剛好

，唔會好似其他店咁乾鞋又好咸，底下仲有滷

豆腐同花生，好大的一碟。

以前食潮州菜食開韭菜豬紅，今次就叫豬紅豬皮

蘿蔔碗，好香的麻油湯底，豬紅唔會一夾就散，

豬皮爽口彈牙，蘿蔔夠淋夠入味。

而我個人好鍾意食蠔仔粥，所以一定要點蠔仔粥，

呢鍋招牌方魚蠔仔粥超足料，裡面有方魚、蠔仔、

魷魚、冬菇、花生、肉碎、芫茜，而且粥底唔會

稀，蠔仔飽滿有蠔味，又有方魚的咸香味，我同

朋友都食完一碗又一碗。

最後是椒鹽中蝦，好大碟隻隻蝦都超大隻仲炸

到好香脆，殼都唔洗剝可以成隻放入口食，加

埋炸香左的蒜頭同辣椒丐惹味，但食完都覺得

幾辣下，食得辣的人一定要點黎試下。

2016年6月9日星期四

大滿足任食放題❤ 尚鮮日式燒肉漁市場

上月又跟朋友聚會，今次仲帶埋仔仔佢地一齊
，咁見好耐都無去過全食放題，所以就book左
位去銅鑼灣金利文廣場3樓的尚鮮日式燒肉漁市
場。

一坐低店員就會講野點樣用ipad 點餐，有今期推介、
燒肉、各種燒物、卷物、壽司、刺身、小食、炸物、
冷盤熟食同各款酒類，非常多選擇。

飲品都有好多款，除左有多款罐裝飲品，仲有綠茶、烏龍
茶、柑桔檸檬~~

未點好餐仲會即時送上刺身及燒肉頭盤醫醫肚先，
雜錦頭盤可以每樣試少少，岩食的之後可以再點~~

由於我地全部人都好鍾意食海鮮，所以先叫了原
隻帆立貝及虎蝦，隻隻都好大隻食落啖啖肉，而
且仲好鮮味彈牙~

另外仲叫左清酒鮑魚同燒蠔，呢兩樣可以話係到宜家
都回味緊，清酒鮑魚裡而加左芹菜味道好夾，而且鮑
魚食落好腍身一D都唔韌，蠔燒完都唔會勁縮水，食
落仲留有濃濃的蠔香~

燒完海鮮再到燒肉，呢度 D 燒肉真係勁多款揀，
而燒肉無過份調味，食到本身的肉香，特別喜
歡安格斯三頭肌、厚切牛舌、澳洲和牛粒、橡
果級伊比利亞黑豚，全部都肉味香濃又多汁~~

而每次放題都會點芝士年糕，而今次仲見到榴槤炸彈，
鍾意食榴槤既我點都要試下，兩樣都熱辣辣外脆內軟
榴槤炸彈仲有勁香榴槤餡，好好味~

而見頭盤刺身好新鮮，所以又再翻叫，食完真係勁
飽~~

最後甜品仲有Movenpick雪糕真係勁滿足，下次
真係會再同家人或其他朋友再黎過~~

2016年4月2日星期六

甜入心特色甜品好美味

cherry家中2位少爺係好鍾意食甜品雪糕，而之前有
朋友大力推薦去深水埗福榮街的甜入心，話佢地D
甜品好味，咁適逢復活節假期就帶佢地去試下啦~

呢度有好多款甜品，好多都好有特色，而且全部都
有圖，所以我地都花左唔少時間去揀~

首先上桌的是公主出巡，睇見賣相都非常討好，
裡面有鮮芒果、芒果雪糕、咖啡果凍、朱古力
脆片、粟米脆片、Q珠，雪糕食落好香芒果味，
仲有其他材料配拾有多重口感，食食下仲有驚喜
，原來底層仲有意式奶凍，呢個甜品大家去到
真係要試下~

朱古力窩夫

即叫即整的窩夫入口辣辣，外層香脆內裡鬆軟，而且仲好
有蛋香味，而朱古力榛子醬又唔會太甜，再加埋雪糕一齊
食，好味~~

這個是朋友大推的黑松露撻，叫我來到一定要試，
而cherry試後覺得朋友果然無介紹錯，首先講撻皮
係超香脆，而裡面的菇好香黑松露味，食完回味
難忘~~

呢個雪香飄壺我好明顯係比佢既壺吸引到而點架啦，
來到都嚇左一跳，因為茶壺入面放左乾冰係咁噴D
煙出來。

講返個沙冰先，同樣係雪糕好香芒果味，仲有爆多的
香甜鮮芒肉同樣好味，而沙冰應該有加芒果汁，食落
有芒果味唔會口淡淡齋冰咁，而有樣又要大讚，因為係
底加左乾冰保溫，所以食到尾段都仲保持到凍冰冰，
唔會食到溶曬~~