大滿足任食放題❤ 尚鮮日式燒肉漁市場

上月又跟朋友聚會，今次仲帶埋仔仔佢地一齊
，咁見好耐都無去過全食放題，所以就book左
位去銅鑼灣金利文廣場3樓的尚鮮日式燒肉漁市
場。



一坐低店員就會講野點樣用ipad 點餐，有今期推介、
燒肉、各種燒物、卷物、壽司、刺身、小食、炸物、
冷盤熟食同各款酒類，非常多選擇。



飲品都有好多款，除左有多款罐裝飲品，仲有綠茶、烏龍
茶、柑桔檸檬~~





未點好餐仲會即時送上刺身及燒肉頭盤醫醫肚先，
雜錦頭盤可以每樣試少少，岩食的之後可以再點~~




由於我地全部人都好鍾意食海鮮，所以先叫了原
隻帆立貝及虎蝦，隻隻都好大隻食落啖啖肉，而
且仲好鮮味彈牙~



另外仲叫左清酒鮑魚同燒蠔，呢兩樣可以話係到宜家
都回味緊，清酒鮑魚裡而加左芹菜味道好夾，而且鮑
魚食落好腍身一D都唔韌，蠔燒完都唔會勁縮水，食
落仲留有濃濃的蠔香~






燒完海鮮再到燒肉，呢度 D 燒肉真係勁多款揀，
而燒肉無過份調味，食到本身的肉香，特別喜
歡安格斯三頭肌、厚切牛舌、澳洲和牛粒、橡
果級伊比利亞黑豚，全部都肉味香濃又多汁~~




而每次放題都會點芝士年糕，而今次仲見到榴槤炸彈，
鍾意食榴槤既我點都要試下，兩樣都熱辣辣外脆內軟
榴槤炸彈仲有勁香榴槤餡，好好味~




而見頭盤刺身好新鮮，所以又再翻叫，食完真係勁
飽~~





最後甜品仲有Movenpick雪糕真係勁滿足，下次
真係會再同家人或其他朋友再黎過~~

意外好味泰式Brunch

上星期日約左個幾個月無見的朋友出尖沙咀行
街，首先下午就約出黎食個午餐醫下肚傾下偈
，然後再去shopping，而我地就心血來潮想食
泰國野，所以就近近地選左位於金巴利道的泰
園。




店內裝潢簡約，座位寬敞，環境光猛，縱使星期日
稍稍多人也坐得很舒適。




而我地2個女仔就選左泰園最新推出泰園泰
式 brunch ，逢星期六、日下午 12 時至 3 時，
每位$239，想任飲意大利香檳可選 每位$338
，而當中有頭盤、刺身、湯、主菜、粉或飯、
甜品等多樣選擇，




冬蔭功海鮮湯
這款是我其中一樣喜歡的菜式，味道配合得好好，
酸、辣、椰奶、香茅等味道都很平均，而且材料
非常豐富，蝦肉彈牙，朋友也覺得很喜歡，真的
喝完再喝。




泰式生菜包
肉碎中有紅蔥頭、芫茜、蔥、辣椒，其實我個
人覺得係好香口好味既，但食完d辣味係慢慢
滲出黎，幾過癮，奉勸唔食得辣的朋友要諗諗。



泰式柚子蝦沙律
食泰式野，我同朋友都出奇地一定要選這個
柚子蝦沙律，因為原來我地都好喜歡食柚子
，呢個沙律柚子肉多，而且蝦肉爽彈，清清
地其實已經好好味。



蒜蓉牛油雞翼
剛剛炸起仲辣嘴，食落好香脆，加埋炸蒜蓉
及蔥花，香上加香~~




刺身四點
呢個刺身拼盤一定要大讚，佢入面有三文魚、生
蠔、帶子及生蝦，因為我本身對腥味都好敏感，
一唔新鮮有腥味我都一定食得出，但呢盤全部都
好新鮮，一D腥味都無，三文魚不過不失，帶子
肉厚鮮甜，生蠔蠔味香濃，而全盤最愛一定是生
蝦，肉質好爽彈鮮甜，朋友都話好味!!!




泰式咖喱蝦配泰式薄餅
咖喱味道不夠濃，略為淡了一點，而且一點辣味
都沒有，失準了。





泰式雜丸湯清河
清清地湯底味道不錯，但覺得河粉比起平
時食的較厚身及粉粉地，朋友有點食唔慣
，但我本身幾鍾意食河粉，又覺得無咩
問題，口味既野人人唔同既。




最後又到女仔最喜歡的甜品時間，分別有芒果黑白
糯米飯及榴槤綿綿冰，兩款我都勁鍾意，芒果黑白
糯米飯D糯米飯煙煙韌韌芒果好香好甜，榴槤綿
綿冰入口即溶，仲有好香榴槤味，喜歡榴槤的朋
友一定唔會失望。

聯絡我:

cherryp088@hotmail.com

Cherry之美容化妝事

Blog link: 

Blogspot ♕ WeSHARE ♕  BeautyExchange ♕BlogDB 

♚ SHE.COM ♚  ♚TheZtyle ♚ UBeauty 

 新浪 ♕ 中國新浪 ♕ LadyQooza ♕Qooza Beauty ♕ 

 shewin  ♚ Pixnet ♚