前排趁假期都會帶阿仔佢地出街食下飯，而個人都幾
喜歡食辣，而大仔又比我訓練有數都可以食下辣，所
以今次帶佢地同朋友去到尖沙咀漁牧食晚飯，而呢度
係食以辣出名的川菜。
其實來之前都有上網睇過呢度其中一樣招牌菜
「漁牧混豬」，見個名咁特別而又o岩兩個仔食
就一定要試下啦，果然又真係幾好味，佢除左乳
豬皮好香脆，肉質亦保持到嫩嫩的，裡面仲藏住
糯米飯，另外還配有3種醬料，可以品嚐到3種不
一樣的滋味，而我個人最喜歡抹茶醬。
朋友喜歡食魚，斤以點了小辣的火熱香辣味燒魚，
呢味菜可以配埋其他火鍋配料打邊爐，但我地人
唔多，所以只叫了呢樣就夠。
而燒魚辣度都ok，哥哥都食到，條魚肉質亦好滑，
感覺好新鮮。
香辣城牆午餐肉睇餐牌係砌到城牆咁的午餐肉牆
，不過但無所謂最緊要味道，而佢裡面仲另外加
左好多材料，有雲耳、蓮藕片、薯仔片、䈑筍，
食落唔算辣味道都ok，最喜歡好爽口的蓮藕片及
䈑筍。
剛剛食完咁惹味又辣嘅嘢，做媽媽的就點返D唔辣嘅
嘢比佢地食啦，再仔細睇下個餐牌，原來呢度都有D
唔辣的餸菜，最後點左呢個清清地的老鴨湯麵比佢地
食。
