之前好多時都係同一大班人或同屋企人食飯，而
前排就好難得地約左朋友仔一路晚餐一路談心，
而我就約去左銅鑼灣駱克駅的 Mini club 。
餐廳地方大，中間位置仲有倒轉的巴黎鐵塔，非常
有特色，而且店員仲帶我地去左靠窗邊較靜的位置
，可以一路聽住音樂望著街景品嚐美食。
而呢度就用iPad選餐，每樣食物j都有相，價錢，種類都
一目了然，非常方便。
今日最主要係來食我最喜歡的生蠔，所以我地一坐低就即
時點左支西班牙的Torres Vina Esmeralda，飲落甜甜地又唔
嗆喉，仲有淡淡的玫瑰香味，好岩女仔飲。
蠔拼盤
我地叫左 4 款唔同的蠔，分別有南非Live Oyster、美國
South Bend、法國Fine De Claire Special 及 法國Special
Geay ，由淡味到濃味，由爽口至軟滑可以一次過試曬，
而且每隻都大大隻好厚肉好新鮮，食落好有滿足感。
而我 4 款之中最喜歡的是法國Fine De Claire Special ，
一入口已經嗜到濃濃的海水味，質感仲好 creamy，食
完仲會感受口裡面有蠔味餘韻，感覺好正。
手切黑毛豬火腿配黑松露餅乾
選了風乾 24 個月的黑毛豬火腿，所以仲有少少濕潤油
香，咸咸地的火腿夾著芝士一齊食味道剛剛好，另外個
黑松露醬真係好濃好香， 配埋脆脆餅乾一齊食好好味。
法國藍青口
朋友喜歡食藍青口，所以選了這碟有12隻的來滿足一
下佢，青口好新鮮肉質爽口，加上醬料味道都唔錯。
馬來西亞沙嗲串燒
這碟裡有豬、牛、豬各 2 串，燒的時間剛剛好，外脆內
軟，肉質嫩滑多汁，配埋個好好味的香辣醬，真係想食
完再食。
泰式生蝦
生蝦同樣新鮮唔會有腥味，但肉質略覺唔夠爽彈，但配
上辣汁都唔錯。
牛肝菌意大利飯
呢個飯真係超喜歡，非常足料仲有濃濃的菌味，加上
煙煙韌韌的意大利飯，好味得來好有口惑。
法式甜品拼盤
最後女士晚餐後一定唔少得甜品，呢盤仲要有超多選擇，
焦糖燉蛋、 馬卡龍、布甸杯都好好味。
沒有留言:
張貼留言