之前好多時都同朋友去D泰式、日式、韓式食店飯聚，
但其實我地間唔中都會去返D地道食店飯聚，而前排
就同幾位朋友去左屋企附近荃灣三坡坊的澳門仔火
鍋串燒專門店食晚飯，呢度睇名都知有火鍋同串燒，
但其實仲有好多特式小菜架~~
當日晚市其實都開始多人，好彩我地早左到，
若果唔係就要等啦~~
出面大熱天時，我地一坐低就送上一瓶冰凍
菊花蜜，真係即時覺得消暑滋潤返下
我地第一時間就揀左麻辣雞煲，雞肉嫩唔會太
乾身，而且配料如青椒、洋蔥、蔥頭呢D 都好
入味，唔會太咸又辣辣地有少少麻的感覺，就
算我呢種唔係太嗜辣的都覺得味道唔錯，來到
一定要試下。
呢度除了雞煲出名之外，其實仲有馳名的秘制炭
燒豬扒包，我地 4 個女仔叫左2份，上桌時還會
切開一半，我地每人半個剛剛好。
豬扒包的麵包皮脆內軟，肉厚多汁的蒜蓉豬扒再
加上甜甜地的洋蔥，好味，唯一問題是豬扒大過
包好多，凸左出黎沾到一手都係醬~~
牛舌可以話係我去親邊度若有的我都會點來食
的，呢度D牛舌好厚肉，唔會燒得太乾身，一
口就可以咬開，有返牛舌的肉汁，加上調味醬，
食多幾串都唔厭。
呢個係朋友叫的原條蒜蓉燒茄子，講真有時
係其他地方都試過食呢味菜，但有時要夠淋
同入味真係好考功夫，而呢度就完完全全做
到，茄子燒得淋身入味。
而當天坐上幾位女士都係好喜歡食海鮮，所以
我地都叫左幾款。
鹽燒鮮鮑魚仔
界了花的鮑魚仔燒得剛剛好，唔會又乾又韌，
而且均勻地滲了海鹽令整隻鮑魚有少少咸味，
而仲有鮑魚的鮮味。
燒鮮扇貝是蒜蓉加上秘制豉油炭燒而成，
扇貝肉厚而且同樣不韌，食完記得飲埋
殼上的汁才是精華~
聖鮮聖子皇
每隻都有手掌咁太隻，每一口都啖啖肉
好正，而且蒜蓉加秘制豉油，同燒鮮扇
貝一樣好味~~
呢度D炭燒技巧真係好好，食每一道菜口
感都剛剛好，仲可以保留返食材的肉質及
鮮味。
而呢個係店員特別推介的 Wasabi 牛柳粒
我個人其實對 Wasabi 麻麻，因為我每次食Wasabi
個頭都會好吉好痕，但身邊幾位好似食上癮咁，
佢地話食落口D Wasabi 攻上鼻個下超級過癮，若
喜愛而又抵受Wasabi 刺激感的，可以試下，應該
可以滿足你的味覺感受。
最後女士飯聚一定不可少的甜品時間，呢個
椰青大菜糕唔好睇佢普普通通，其實佢係用
左椰水同椰肉整成，一個可以分到 4 碗，份
量都幾多，而食落冰涼爽彈，清甜可口好潤
喉，仲可以即時中和返之前食野後的油膩感。
聯絡我:
cherryp088@hotmail.com
