哥哥要求再臨元朗薄荷葉泰國菜

話說上年聖誕節帶左2個寶貝仔來到元朗的薄荷
葉Mint Thai House食飯後，哥哥一路不停地話
好想再食呢度的班蘭咖哩雞，所以上星期我又
帶佢地來呢度啦!!!






上次來到我點了椰青($38)飲，覺得好青甜解渴，
所以今次都幫佢地點埋一齊飲，佢地2個都好喜
歡。




之前試左好多道菜都唔錯，所以今次就揀其他菜
試下，最先上桌的是椰汁雞湯($68)，飲落有香
濃椰汁味而且帶點酸酸地，飯前飲真係飲勁開胃。




沙嗲串燒($68)有6串，一碟中有豬、牛、雞每樣
2串。



基本上哥哥一個人吃了近3串，可想而知佢好鍾意食，
而我就只吃了雞及豬，食落好入味，而且燒得香口
又唔會油，小朋友齋食唔點醬已經可以，大人就配
上沙嗲醬仲好味。



炸瑕餅($58)
上桌時剛剛炸起，入口好熱辣辣，而且面層好
香脆內裡超彈牙，到凍左都仲係好香好脆，宜
家諗起仲好想食。



而當然仲有呢個一定要點的班蘭咖哩雞($78)，
入口有香濃的咖哩同椰汁味，而且仲唔辣o忝，
配埋個香口鬆軟薄餅，真係無得頂!!!真係非
常推介比唔食得辣的朋友仔。



我個人好鍾意食泰式鳳爪，所以最後我都叫埋
呢個酸辣鳳爪沙律($58)，過下口癮仲可以食
下菜清下腸胃，佢裡面的無骨鳳爪仲有好多隻，
而且食落好爽口，味道酸酸辣辣真係好鬼好味。

聯絡我:

cherryp088@hotmail.com

Cherry之美容化妝事

Blog link: 

Blogspot ♕ WeSHARE ♕  BeautyExchange ♕BlogDB 
♚ SHE.COM ♚ Beautylife ♚TheZtyle ♚ UBeauty 

 新浪 ♕ 中國新浪 ♕ LadyQooza ♕Qooza Beauty ♕
 F&B  ♚  shewin  ♚ Pixnet ♚

元朗覓食 ❤ 薄荷葉泰國菜

前排阿仔佢地考完試我又帶佢地去覓食啦，而今次
就去左好耐都無去過的元朗啦，呢間食店的名字叫
做薄荷葉泰國菜 Mint Thai House，前排有朋友來
過大讚好味，所以就想帶仔仔來試下啦，聽聞佢地
個大廚係地道泰國人，所以煮既野食都係最正宗架。

而我提早2天前係想預約7:30但已經無位，所以約
左較早的6:30，去到時剛剛開始晚市就無咩人。



薄荷葉泰國菜 Mint Thai House是有室內及露天坐位
選擇的，而店員見我有帶小朋友所以就安排我坐在室
內，而一坐下便即時遞上餐牌，當中菜式也算多選擇
，價錢也適中。



我先點的是幾款泰式特飲，椰青($38)新鮮清甜很潤喉解渴，
而且椰水多椰肉也可食到，兩杯果汁是小朋友的，左邊的是
菠蘿特飲($28)，右邊的是士多啤梨特飲($28)，兩杯都是
由新鮮水果製成，飲落好清新，士多啤梨特飲更有一粒粒
士多啤梨籽好有咬口。



先上桌的是甜柚鮮蝦沙律 ($78)，這個材料有芽菜、
生菜、柚子、紅蘿蔔絲及蝦，配上酸味味的沙律汁，
好開胃，但略嫌芽菜及生菜太多，若能每樣材料都
平均一點會更好。




越式紙米卷($88)這個是一定要推薦推薦!!!

紙米卷、生菜中間包著芒果及軟殼蟹，上桌時軟殼
蟹熱辣辣好脆口，加上香甜芒果，真是特別的配搭
，好好味!!!




哥哥和我的口味相似所以都想點咖哩，但為顧及細
佬唔食得辣，所以點了這個班蘭咖哩雞($78)配薄
餅($42)。



基本上這個班蘭咖哩雞我兩個小朋友都可以食到，而且
還食得津津有味，咖哩有陣陣椰香再配香口薄餅，佢地
食到唔停得口，之後仲要叫多轉薄餅o忝，不吃辣或跟
像我一樣帶小朋友的一定要試試。




個人習慣食飯一定要食蔬菜所以點了這個裡面有西蘭花
、椰菜花、粟米芯及菌類的蒜蓉炒雜菜($58)，味道不
會太咸或太淡，用來中和中下味蕾感覺不錯。





最後是去泰式餐館必點的冬陰公湯($68)，我這個是細的，
可以分到四碗，而若較多人可點大的價錢是$128。
這個講真的，哥哥飲一碗，我可以飲到三碗，它眼見材料
有蝦、番茄仔及菇類，飲落酸酸辣辣而且有濃濃的椰汁及
香茅味，宜家諗起都好想飲。




食完飯差不多晚上8點，整間店都超多人，還有人在等位，
而店舖出面會有兩個火爐位，所以就算等位食飯或是坐
露天位都不會太凍，另外有小朋友的食完飯可以帶佢地
去出對馬路邊，個度有個大雪人同聖誕樹，可以比小朋
友影相開心下感受聖誕氣氛。

聯絡我:

cherryp088@hotmail.com

Cherry之美容化妝事

Blog link: 

Blogspot ♕ WeSHARE ♕  BeautyExchange ♕BlogDB 
♚ SHE.COM ♚ Beautylife ♚TheZtyle ♚ UBeauty 

 新浪 ♕ 中國新浪 ♕ LadyQooza ♕Qooza Beauty ♕ F&B 

  shewin  ♚ Pixnet ♚